Producción de El Futuro Se Va, en el departamento de San Marcos, en 2021

¿Se’n xb’enta Ma tzik’ b’et najachi’j ?

0 Shares
0
0
0

Aju tqanil tib’aju kchwinqlal xjal in chi ik’ b’et toj ktanum tun kpon toj ktanum me’xh in kub’ xpich’it ti’j toju kla’j tij xjal maqa toj kla’l tal txin ex talq’a, ku’xin txin ex q’a e i’k’x kjunilx toj ktanam me’xh tun t-ten juntl tu’mil kchwinqlal. 

¿yajqetzunju txin, ex q’a in chi kyej ti’jxi? 

Qu’mtzun xi qiqin qb’eye toj Tnom te Malacatán, toj Tnom te Txe Chman, qun atzu nimqe qwinaqil in chi ik’ b’et tu kxi jun plajtil, ex tun tpaj t-tenb’il se’n pa’na ti’j jlajxi. Atz atzu o la’jine kyuk’il nejenilj, kyuk’il ajxjal, ex kyuk’il k’wal tib’aju se’n in kna’n tib’aju nb’aj qxol ex taqun in chi ik’ b’eta qwinqil toj qtanam.  

Tun tb’entju lu:

Tun tb’entju aq’untl lu ma txi anb’il, pwaq ex nim aq’untl ti’j. Ma qo tene 9 xjal. Ma txi qb’etine 600 kilómetros ex ma qo tene 4 q’ij koj kojb’il te Malacatán tun tljet twitz aq’untl. O la’jine kyuk’il 28 xjal, ex kub’ qaq’unane t-tz’ib’injtz ex tx’olb’ab’il toj kab’e xjaw, tun tmiltz’et toj qyol ex toj kyol me’xh, tun tb’inchet i’lb’ilal el i’q’it, a q’ajtzab’il ex ka’yb’il. 

Tu’ntzun aq’untl lu, ma kanit la qune:

Jun xpi’ch’b’il tib’aj nb’aj toj qtanam tu’nju in chi ik’ b’et qxjalil toj k-kojb’il ex se’n in kub’ kna’n k’wal tun aju toj Tnom te Malacatán, ex oxe la’j kyeju xjal e ok xjelit. 

Jun ye’k’b’il kib’aj jte’ xjal e anjtz xon toj ktanum koj ab’q’i te 2019 ex 2020. In qo kaneye tij qa iltij tun txi chik’b’et yol ex xim, qu’mtzun, qa ati jun xjal ma tz’ajb’en u’j lu te, jaku kutz ti’n jun tilb’ilal te. 

Kyaje la’j xhi b’ant jayil in xi qla’jiniye ex tx’olb’ane ti’j xqo kaneye ti’j. 

Tkyaqil aq’untl ma jaw qmiltz’une toj qyol mam ( a yol in la’jinjtz toj Tnom te Txe Chman ex a toxin yol nim xyal yolilte toj Qtanam te Paxil), ex toj kyol Me’xh. 

Taqun xi qb’incha’niye kala? qun qajb’ile tun tb’ant kb’in xjal ti’j toj kyol ex tun tb’ant tpon pakb’ab’il in jaw q’iyit t-txa’n koj kojb’il. 

Se’n xb’enta qune? ma b’ent tu’n jun aq’untl kyuk’il xob’l yol kye kojb’il ok k’elix ksmo’n te oyaj. 

¿Se’n jaku tz’oniniya quk’ile tun tb’ant nik’jantl aq’untl kyu Ma tzik’ b’et najachi’j?

  1. Smonxa junjun qaq’une kyuk’il tuk’ila tuntzun tok b’in kyun nik’jantl xjal.
  2. Tz’ib’intza qeye toj hola@quorum.gt moqa q’onkya jun txima tib’aju qaq’une tun txi qb’inchane b’anxi’x.
  3. In qo aq’unane tun tb’ant jun tu’mil jayil jaku chi onina xjal in chi b’inqeye tun tb’ant nik’jantl qaq’une kyu la. Naqlo ja’lin, jaku tzaj tz’ib’ina qeye toj hola@quorum.gt tun tb’ant nik’jantl qaq’une te xpich’b’il yol ex xim, moqa ja tzaj tz’ib’ina toj WhatsApp  +502 4188 6408

E’ye quk’ile xhi aq’unan:

Nejenilj q’il twitz aq’untl: Gabriel Woltke
Aj Aq’unal te t-txolil: Pía Flores, Javier Estrada y Gabriel Woltke
Xpi’ch’il ex aj tz’ib’il: Kimberly López
Q’il tilb’ilal: Melissa Miranda
Q’il t-txolil aq’untl: José Rauda

Miltz’ul yol toj qyol: Saqb’ech Pérez  
Miltz’ul yol toj kyol me’xh: Rich Brown
Q’ajtzalte yol toj kyol mos ex kyol me’xh: Mónica Oseida
Q’ajtzalte yol toj qyol: Saqb’ech Pérez

Q’ilte twitz q’ajtzab’l: Joaquín Baiza

0 Shares

Deja una respuesta

Tu dirección de correo electrónico no será publicada. Los campos obligatorios están marcados con *